Francuski veznjak na ljeto besplatno napušta Old Traford

Veznjak Mančester junajteda, Francuz Pol Pogba ovog ljeta će napustiti Old Traford klub i to kao slobodan igrač, a iako su i klubu svjesni toga, nisu previše reagovali, prenosi ESPN.

Reprezentativac Francuske već ranije je izrazio želju da pređe u Real Madrid, a spominjao se i interes PSG-a i Juventusa u kojem je već igrao. 

Pogba se nije previše naigrao u aktuelnoj sezoni u crvenom dresu. Odradio je 13 mečeva, ali mu je statistika odlična s obzirom na to da je upisao sedam asistencija.

Pogba se 2016. godine vratio u Junajted nakon što je igrao u Juventusu, a ovaj transfer bio je težak čak 105 miliona eura.