– Izgleda je problem sa ligamentima skočnog zgloba. Morat ćemo da pričekamo, rekao je Klop pred premijerligaški duel sa Norvičem (subota – 16 sati) i dodao:
– Još nemam pojma kakva će biti postava. Trebalo bi da imamo dobre opcije, ali ne znam još,
Liverpul se tek u četvrtak vratio u Englesku, poslije pobjede (2:0) nad Interom u srijedu, u prvoj utakmici osmine Lige prvaka. “Redsi” su trenutno drugi na tabeli sa 54 boda, devet manje od vodećeg Mančester sitija, koji ima i meč više.
– Od svih problema koje imam, trka sa Sitijem je najmanji. O tome ne razmišljam. Moramo pobjeđivati, a onda ćemo vidjeti hoćemo li im se približiti ili ne. Borimo se za mjesto u Ligi šampiona. Sve svoje probleme možemo riješiti pobjedama – zaključio je Klop, a prenosi SK.