U Beogradu skup podrške ukrajinskom narodu, demonstranti poručili: “Ne ratu”

Više stotina građana okupilo se na Trgu Republike u Beogradu na početku skupa podrške Ukrajini i protiv diktature u Rusiji i Bjelorusiji, koji organizuje neformalna grupa ruske, ukrajinske i bjeloruske dijaspore.

Na transparentima piše „Ne ratu“, “Putin ratni zločinac i ubica”, “Spasite živote”, “Je** se, Putine” itd. Puštena je pjesma Đorđa Balaševića koju izvode djeca “Samo da rata ne bude”, prenosi N1. 

Prisutni nose i nekoliko ukrajinskih zastava i balone u bojama zastave, a istaknuto je i nekoliko bijelo-plavo-bijelih zastava koje su postale simbol antiratnih protesta u Rusiji.

Na mjestu gdje se odvija protest prisutno je i nekoliko desetina policajaca u uniformi i civilu.