U hotelu Saratoga u to vrijeme nisu bili prijavljeni strani turisti, pošto je u toku bilo i renoviranje objekta, rekao je listu Granma guverner Havane Reinaldo Garcia Zapata.
“Nije bilo bombe ili napada. Ovo je tragični incident”, napisao je na Twitteru predsjednik Miguel Diaz-Canel, koji je obišao mjesto događaja, prenio je AP.
Eksplozija se dogodila u vrijeme kada Kuba pokušava da podstakne sektor turizma, koji je od ključnog značaja za ovu zemlju, teško pogođenu pandemijom virusa korona i negatovnim posljedicama rata u Ukrajini.
Ministar zdravlja Jose Angel Portal rekao je da su bolnice primile oko 40 povrijeđenih i dodao da bi broj mogao da poraste jer se nastavlja potraga za ljudima koji su možda blokirani krhotinama u strukturi iz 19. vijeka.
List Granma prenosi da je nestalo 13 ljudi. Evakuisana je osnovna škola koja se nalazi u blizini, a lokalni mediji prenose da među djecom nema povrijeđenih.
